កម្លាំងប៉ុស្តិ៍រដ្ឋបាលភ្នំពេញ ឃាត់ខ្លួនជនសង្ស័យម្នាក់ ករណីអំពើរលួច
28-August-2018 | ដោយ ពលមនសិការ
ភ្នំពេញ៖ កាលពីថ្ងៃទី២៧ ខែសីហា ឆ្នាំ២០១៨ វេលាម៉ោង១៦និង៣០នាទី កម្លាំងប៉ុស្តិ៍រដ្ឋបាលភ្នំពេញបានធ្វើការឃាត់ខ្លួនជនសង្ស័យម្នាក់ករណីអំពើរលួច(លួចយកដែកគំរបលូ) នៅចំណុចមុខផ្ទះជួល ផ្លូវ១៩៧៤ ភូមិទំនប់ សង្កាត់ភ្នំពេញថ្មី ខណ្ឌសែនសុខ។
ជនសង្ស័យឈ្មោះ ពិសិដ្ឋ ស្ទេវិន ភេទប្រុស ងាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវលំ ក្រុម៣ ភូមិទំនប់ សង្កាត់ភ្នំពេញថ្មី ខណ្ឌសែនសុខ (គ្មានសារធាតុញៀន)។ជនរងគ្រោះឈ្មោះ ព្រំ ឡាង ភេទប្រុស ងាយុ៦២ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះលេខ១៥៩G ផ្លូវមេគង្គ ភូមិ៣ សង្កាត់ជ្រោយចង្វា ខណ្ឌជ្រោយចង្វារ។សម្ភារៈបាត់បង់៖ គំរបលូបង្ហូទឹកចំនួន១៥កំណាត់, សម្ភារៈបន្សល់ទុក ៖ គំរបលូបង្ហូទឹកចំនួន០៤កំណាត់។
សមត្ថកិច្ចបានឲ្យដឹងថាជនរងគ្រោះ បានយកដែកគំរបលូទឹក មកទុកនៅចំណុចកើតហេតុ តាំងពីខែ មិថុនា ឆ្នាំ២០១៨ រហូតដល់ថ្ងៃទី២៦ ខែសីហា ឆ្នាំ២០១៨ ទើបជនរងគ្រោះដឹកថាបានគំរបលូទឹក លុះដល់ថ្ងៃទី២៧ ខែសីហា ឆ្នាំ២០១៨ វេលាម៉ោង១៦និង៣០នាទី ជនរងគ្រោះឃើញជនសង្ស័យនៅក្នុងបរិវេណសាលាបឋមសិក្សាទួលគោក (សង្កាត់បឹងកក់២) ហៅជនសង្ស័យសួរនាំ រួចជនសង្ស័យបានឆ្លើយសារភាពខ្លួនពិតជាបានលួចយកដែកគំរបលូពិតប្រាកដមែន រួចជនរងគ្រោះបាននាំខ្លួនជនសង្ស័យមកប្រគល់ឲ្យសមត្ថកិច្ចប៉ុស្តិ៍រដ្ឋបាលភ្នំពេញថ្មីធ្វើការសាកសួរតែម្តង។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ2101
- ម្សិលមិញ16391
- សប្តាហ៍នេះ48331
- ខែនេះ163481
- ឆ្នាំនេះ163481
- សរុប20605937